Kynning.

• Forrita á móti API.
• Forrita „SPA“ og nota History API.
• Notkun a eslint og prettier.

Gefin er grunnur að verkefni:

• package.json með uppsetningu á browser-sync, lint og prettier scriptum.
• index.html með leiðbeiningum og tengingu við main.js sem einingu (module).
• Allir stílar í styles.css.
• Grunnur að forriti í ./scripts með athugasemdir og tillögur að útfærslum eru í skjölunum.

Skjölun á föllum og breytum nota jsdoc.

Ekki er krafa að nota þennan grunn.

Tengjast skal API hjá Open Library, leyfa leit að bókum og birtingu á stökum bókum.

Nota þarf endapunkta fyrir leit, staka bók og myndir af bókum. Athugið að mismunandi gögnum er skilað fyrir endapunkta.

Í ./scripts/mock.js er gefin mock útfærsla á virkni sem skilar alltaf sömu leitarniðurstöðum eða sömu bók. Það er hægt að nota þessa virkni til að prófa útfærslu án þess að tengjast API.

Ef síða er opnuð án leitar eða vísunar í bók er birt forsíða með leitarformi og texta um að leitað sé að bókum með gögnum frá Open Library.

Þegar leitað er skal birta upplýsingar um að verið sé að sækja gögn og birta síðan niðurstöður leitarinnar. Ef engar niðurstöður eru fundnar skal birta skilaboð um það.

Í leitarniðurstöðum skal birta a.m.k. titil bókar, nafn höfundar og árið sem bókin var fyrst útgefin. Titill skal vera hlekkur á síðu fyrir bókina.

Þegar leit er framkvæmd skal setja í URL query-string query með leitarstreng (t.d. /?query=two towers). Þegar síða er opnuð með þessum skal framkvæma leit með þeim streng.

Vísa skal á bók með id query-string sem nýtir auðkenni hjá Open Library (t.d. /?id=/works/OL27479W).

Sækja skal gögn um bókina með kalli í vefþjónustu og birta upplýsingar um bókina:

• Titill
• Mynd af bók
• Fólk, ef eitthvað, sem bókin fjallar um
• Umfjöllunarefni, ef eitthvað, sem bókin fjallar um
• Staðir, ef einhverjir, sem bókin fjallar um

Ef bók fannst ekki skal birta skilaboð um það.

Þegar farið er á milli forsíðu og flokka skal ekki sækja nýja síðu, heldur skal yfirskrifa virkni <a href> og nota History API til að útfæra skiptingu á milli síða. Sérstaklega þarf að passa upp á að back takkinn virki með því að hlusta á popstate atburðinn.

Forsíða (/) sýnir yfirlit. Fyrir hvern flokk skal nota querystring (hægt að sækja úr window.location.search og með URLSearchParams), t.d. /?category=innlent.

Í verkefni er eslint og prettier uppsett með stillingum fyrir bæði. eslint stilling notar airbnb sem grunn en setur nokkrar sértækar reglur í .eslintrc.js.

Mælt er með að setja upp extension í ritli fyrir eslint og prettier til að nýta að fullu.

Hægt er að keyra npm run prettier til að láta prettier laga þær skrá sem hægt er.

Keyra skal npm run lint og skila án nokkurra villa.

Leyfilegt er að slökkva á ákveðnum villum ef ástæða er til og skal tilltaka þá ástæðu.

Gefið er útlit í CSS skrá fyrir útlit í utlit/. Leyfilegt er að útfæra sitt eigið svo lengi sem öll virkni er til staðar.

Skila skal verkefninu keyrandi á Netlify. Útbúa þarf build script í package.json og setja upp build ferli þ.a. mappa sem verður til í build ferli sé notuð fyrir vef. Þetta verður til þess að þau gögn sem eru i möppu og eru ekki fyrir almenning (t.d. package.json) eru ekki birt, heldur aðeins:

• index.html.
• styles.css.
• scripts möppu.

• 20% Snyrtilegur JavaScript kóði, engar eslint villur.
• 10% Verkefni sett upp á Netlify.
• 20% History API virkni útfærð.
• 25% Leitarniðurstöður birtar.
• 25% Stök bók birt.

Verkefni sett fyrir mánudaginn 31. október 2021.

Skila skal í Canvas, seinasta lagi fyrir lok dags þriðjudaginn 8. nóvember 2022.

Skilaboð skulu innihalda:

• slóð á verkefni keyrandi á Netlify
• slóð á private GitHub repo fyrir verkefni. Dæmatímakennurum skal hafa verið boðið í repo. Notendanöfn þeirra eru:
  • MarzukIngi
  • Stimmikex
  • brynjar13
  • ofurtumi
  • BjarniHaskoli
  • Stulli888

Leyfilegt er að ræða, og vinna saman að verkefni en skrifið ykkar eigin lausn. Ef tvær eða fleiri lausnir eru mjög líkar þarf að færa rök fyrir því, annars munu allir hlutaðeigandi hugsanlega fá 0 fyrir verkefnið.

Sett verða fyrir tíu minni verkefni þar sem átta bestu gilda 5% hvert, samtals 40% af lokaeinkunn.

Sett verða fyrir tvö hópverkefni þar sem hvort um sig gildir 10%, samtals 20% af lokaeinkunn.

Útgáfa 0.1