Útfæra leik sem gengur út á að reikna 10 stærðfræðidæmi eins hratt og mögulegt er og birta niðurstöðu.

Þegar index.html er opnað kemur upp gluggi sem lætur notanda vita að þegar ýtt er á OK byrji leikur sem snúist út á að svara eins mörgum af 10 dæmum rétt á sem stystum tíma með skilaboðunum Markmiðið er að svara eins mörgum af 10 dæmum rétt eins hratt og mögulegt er.. Birt eru dæmi og möguleiki til að svara þeim fyrir hvert af þessum tíu dæmum. Eftir leikinn eru birt skilaboð um fjölda réttra dæma, tíma sem það tók að svara í sekúndum og meðalfjölda réttra svara á sekúndu:

Þú svaraðir X af 10 dæmum rétt á Y sekúndum
Meðalrétt svör á sekúndu eru Z

Þar sem Y og Z hafa tvo aukastafi.

Ef notandi ýtir á Cancel í miðjum leik eru birt skilaboð Hætt í leik. og engar upplýsingar um rétt dæmi eru birt.

Möguleg dæmi eru:

• + dæmi þar sem báðar tölur geta verið á bilinu [1, 100]
• - dæmi þar sem báðar tölur geta verið á bilinu [1, 100]
• * dæmi þar sem báðar tölur geta verið á bilinu [1, 10]
• / dæmi þar sem fyrri tala er á bilinu [2, 10] og seinni talan er fyrri talan sinnum tala á bilinu [2, 10] þ.a. svarið verði alltaf heiltala

Eftir það er notanda boðið að spila annan leik, ef valið er OK er annar leikur spilaður, annars er hætt.

Sjá dæmi um leik í leikur.mp4.

Gefin eru föll í scripts.js og útskýring á því hvað þau eigi að gera. Ekki er krafa um að nota þau en útfæra skal forrit í því skjali.

Ef DevTools eru opnuð undir „console“ sjást þær villur sem koma upp. Í gefnu skjali er ein villa sem sést vegna línu 16.

• 20% – Snyrtilegt JavaScript án villna
• 30% – Útfærsla á utanumhaldi, hægt að hætta, birtir upplýsingar um spilaðann leik
• 50% – Útfærsla á að spila leik, tekur við tölu og birtir skilaboð

Verkefni sett fyrir í fyrirlestri mánudaginn 22. október 2018.

Skila skal undir „Verkefni og hlutaprófa“ á Uglu í seinasta lagi fyrir lok dags þriðjudaginn 30. október 2018.

Skilaboð skulu innihalda:

• Slóð á verkefni á heimasvæði
• Slóð á GitHub repo fyrir verkefni, og dæmatímakennurum skal hafa verið boðið í repo (sjá leiðbeiningar). Notendanöfn þeirra eru arnar44, mimiqkz, gorri4, hinriksnaer, gunkol, freyrdanielsson, osk

Sett verða fyrir tíu minni verkefni þar sem átta bestu gilda 3,5% hvert, samtals 28% af lokaeinkunn.

Sett verða fyrir tvö hópverkefni þar sem hvort um sig gildir 11%, samtals 22% af lokaeinkunn.

Útgáfa 0.1