bergthor13 Goto Github PK

Nú á dögum skiptir ásýnd fyrirtækja í stafrænum heimi miklu máli. Ég brenn fyrir því að þróa hugbúnaðarlausnir sem hjálpa fólki í daglegu lífi, einfalda þeirra störf og gera lífið örlítið skemmtilegra.

Ég er skapandi og hugmyndaríkur einstaklingur sem tekur vel eftir smáatriðum og er mikill fullkomnunarsinni.

• 🔭 Núna er ég að vinna í Next.js, React Native, Node.js, PHP og SQL verkefnum í vinnunni. Einnig hef ég umsjón með tölvukerfum.

Ég hef séð um forritun á fyrstu grænu upplýsingaveitunni á Íslandi, laufid.is.

Ég sá um innleiðingu nýs símkerfis fyrir 1819 og forritun viðmóts til að einfalda starfsfólki að svara fyrirspurnum hratt og örugglega.

Ég sé um forritun á nýrri vefsíðu 1819.is sem fór í loftið í lok janúar 2022.

Ég sé um þróun og forritun á appinu 1819 Torgið, sem kom út í júní 2021 fyrir iOS og Android. Appið er skrifað í React Native. Sæktu appið hér!

Einnig sé ég um síðuna www.1819torgid.is

Ég er að þróa iOS app sem tengist við GPS tæki sem ég forritaði sjálfur. Það sækir gögnin sem GPS tækið safnar og birtir þau á myndrænan máta. Í forritinu er síðan hægt að flokka gögnin. Ég stefni að útgáfu á appinu á næstu mánuðum.

Ég þróaði Android app með öðrum aðila sem skrifað er í Java og hefur samskipti við iðnaðartölvu í bíl í gegnum Modbus samskiptastaðalinn. Hægt er að stjórna ýmsum aðgerðum í bílnum í appinu, s.s. ljósum, þrýstingi í dekkjum og hæð bílsins. Forritið er nú þegar í notkun í einum björgunarsveitarbíl.

Í lokaverkefninu í HR þróaði ég appið Band Up ásamt 3 öðrum í samstarfi við Bad Melody ehf. Appið var fyrir Android tæki, skrifað í Java, ásamt vefþjóni skrifaðan í Node.js. Ég hélt svo áfram að lokaverkefninu loknu og kláraði iOS útgáfu af Band Up, skrifaða í Swift.

• BSc. í tölvunarfræði — Háskólinn í Reykjavík. 2013-2018.
• Stúdentspróf, Náttúrufræðabraut — Flensborgarskólinn. 2009-2012