هو تطبيق لمساعدة المبتدئين في الخط الكوفي الهندسي أو تسريع عملية التفكير والتنفيذ لو أنت حد كويس في المجال وكمان لو أنت شغال Pixel art هينفعك كذلك

عشان هو بيقدملك حاجات كتيرة مش هتقدر تعملها بـ Illustrator ودا هياخدنا مباشرة إننا نتكلم عن المميزات.

• مجاني وخالي من الإعلانات وقريبا هيكون مفتوح المصدر إن شاء الله.
• البرنامج خفيف الحجم وهيغينك عن برنامج بحجم Illustrator لمجرد إنك داخل تعمل Grid عشان تستخدم الـ Builder tool.
• التخلص من المعاناة اللي بتقابلها كل مرة وأنت بتظبط الـ Grid للتكوين اللي هتشتغل عليه.
• التخلص من الفوضى اللي بتحلص لو غلط وأنت بترسم فترجع تاني وتبدأ من الأول عندنا بترسم بكلك شمال وبتمسح بكلك يمين عادي.
• تغيير الكتلة والفراغ لو أنت عاوز تجرب التكوين بتاعك بأكتر من طريقة.
• النسخ واللصق ! طب ما أنا بعمل كدا بـ Illustrator عادي. صحيح بس متقدرش تخلي الكتلة فراغ ولا العكس.
• بورد لانهائي مش هتقلق بقى من ظبط العرض والطول بتاع الـ Grid ولو التكوين محتاج يكبر نرجع نظبط الموضوع تاني.
• ترسم خط! طب ما أنا بعمل كدا بـ Illustrator عادي. بس متقدرش ترسم مربع من نقطة لنقطة بضغطة زرار والمربع دا إما تختار الحدود بس اللي تترسم أو المربع بالكامل.
• اخراج البورد كـ PNG أو SVG يعني متكامل مع البرامج اللي أنت شغال عليها.
• اخراج البورد بصيغة .bably على اسم صديقي أحمد البابلي ودا هنتكلم عنه تحت طب أي الفايدة من الصيغة دي؟ تقدر تخرج البورد بتاعك وترجع تفتحه تاني في أي وقت. طبعا الكلام هيطول خش وجرب بنفسك

• وضع الرسم (ctrl + 1)
• وضع التحديد (ctrl + 2)
• وضع التحريك للصور (ctrl + 3)
• وضع المسطرة (ctrl + 4)

• ببكرة الماوس اضغط عليها عشان تعمل Pan
• حرك بكرة الماوس عشان تعمل بيها Zoom
• اختصار Zoom In (ctrl + +)
• اختصار Zoom out (ctrl + -)
• اختصار Pan to content (ctrl + 0) | Mouse wheel double click

• بترسم بكلك شمال ضغطة واحدة أو اضغط واسحب
• لو عاوز ترسم حدود مربع من آخر نقطة أنت ضاغط عليها لعند النقطة اللي هتضغط عليها اضغط Shift
• لو عاوز ترسم مربع كامل من آخر نقطة أنت ضاغط عليها لعند النقطة اللي هتضغط عليها اضغط Alt
• لو عملت اللي فات دا مع كلك يمين هتمسح
• الألوان بتختارها من فوق على اليمين من Coloring
• بشكل افتراضي لو رسمت حاجة ورجعت ترسم عليها وتغير لو نها دا مش هيحصل فلو عاوز تغير السلوك دا من فوق على اليمين خش على الـ Settings واختار Override Drawing
• ماذا لو عاوز تلون فقط بس مش عاوز ترسم من نفس المكان اختار Paint Only
• وبالمرة هتلاقي حاجاتين وهم
• خاصية Show Grid ودا لو عاوز تبين خطوط الجريد أو تخفيها واختصارها G
• خاصية Dash Grid ودا لو عاوز الجريد إما خطوط عادية أو متقطعة واختصارها D

• اضغط واسحب عشان تحدد المربعات اللي أنت رسمها
• بتحدد الكل بـ (ctrl + A)
• بتلغى التحديد بكلك يمين أو Escape
• انسخ اللي أنت محدده بـ (ctrl + c)
• اللصق بـ (ctrl + v)
• لو عاوز تشوف الدنيا هيكون شكلها أي قبل ما تلزق (ctrl + shift + v)
• طبعا لما تحدد حاجة تقدر تخرجها من File Export Selected
  • وتخرجها إما صورة بجودة من 72 لـ 300 DPI
  • أو SVG

• لما تضيف صورة ودا من فوق على اليمين اختار File Import Image
• تقدر تحرك الصورة بإنك تضغط عليها وتسحبها بكلك شمال
• ودا عشان كلك يمين محجوز إنك تكبر وتصغير حجم الصورة بيه
• بس لو عاوز تلفها بتعمل دا بكلك شمال وأنت ضاغط shift
• لكن لو حابب تـ Snap كل 15 درجة بتضغط ctrl معاهم

• ودا لما تجيب صورة لتكوين وعاوز تعرف تظبط الكتلة والفراغ على أي بشكل افتراضي الكتلة هتكون 100 على طول وهو هيقولك الفراغ يكون كام
• بعد تروح فوق على اليمين من Board Size واظبط التكوين بتاعك واعمل Regenerate

• حفظ البورد Ctrl + S
• حفظ البورد كـ SVG عن طريق ctrl + shift + S
• حفظ البورد كـصورة عن طريق ctrl + alt + shift + S

• إنشاء تاريخ للبرنامج للعودة في حالة حودث خطأ (ctrl + z | ctrl + shift + z)
• تعديل الواجهة
• إضافة الحروف الأبجدية
• إضافة معرض للأعمال
• إصلاح المشاكل الموجودة في الإصدار الحالي وفي حالة حدوث خطأ تواصل معي على هذا البريد : [email protected]

بما إنك وصلت لهنا فاعلم إن البرنامج دا مكنش هيطلع لولا فضل الله ومساعدة صديقي أحمد البابلي مين هو؟ هو طالب في كلية الهندسة جامعة المنصورة قسم عمارة اتعلم الخط في فريق ضاد في الكلية وهو صاحب فكرة التطبيق ودا بإنه يساعد الناس اللي عاوز تتعلم خط كوفي وميتحطوش في نفس المشاكل اللي كان بيواجهها في بداية تعلمه وكمان كان دايما بيعيطني تقييم عن أداء البرنامج وممكن أضيف أي